16000000000 - ال 16 ألف ألف ألف by The Synaptik Lyrics

["كلمات السينابتيك "ال 16 ألف ألف ألف]

[اللازمة]
يا يا يا يا
يا يا يا يا

[المقطع الأول]
دورها دور دور واعطيني شحطة وخط
وخليها براسي تدور لعطيكو شحطة ونص
انا صاحي بس متهور هارب معي مقص
حتى اقطع فيه الشارع شاعر بحري عالشط
انا غير انا مش بالزبط زي غراب بسرب البط
من تراب بس مش تراب بهذا الراب انا كل الأرض
ابو الشباب خود سيخ كباب ووسع لقد حان الوقت
حتى امسح فيكو الارض
تقلي الزين انطيها الزين، كثير كبير تقول ثنين
هسا بس اعطيني برين وخلي بينكي لبعدين
والكل بستنى الفركة وانا مش سائل سايق فرشة
بحضر شناكل باكل فلافل فأتحرك مبقدرشي
بس بسرعة بتابع قنابل مدافع لما حد يتطاول
عربي انجليزي كلو سو ايزي هو خبص لما حاول
شايف فطابل بدها تنشاط، حتى تلحقني بدك اشواط
ملك السواج انا بانيك اتاك انا بلا بلاك خلص سيبك يا لاط
ملك مدينة داود، طبعي ودود لكني عدو لدود
لكل البيحرك اوتاري، بطفي الاتاري، وبخلي يقعد ععود
بلا بلادة، دخلت بالراب العربي عملتلو خلع ولادة
[اللازمة]
يا يا يا يا
يا يا يا يا

[المقطع الثاني]
سيبك من الليبلز الليلة , ال التعريف ديليت
حامل وزني عاجري ليش برضو احمل ابسوليت
مستقل بعد انتداب، وصل الباص نزلو الركاب
صحرا مش محتاج حطاب، او ساطور احطو فيك
كلماتي بتكفي، زي صلاة عمتوفي
اضيع وقتي ابني حدا غيري ؟ كيف بدها اتوفي ؟
ومن كتر القوافي انا طافي على المي زي عيسى المسيح
يعطيكو العوافي انا طالب الفي خايف يتسيح
نازل تكسيح فيكم زي هاني بال، نازل تشليح فيكم غوانتانامو باي بال
بقوة ميت الف أرميد زي الألف دال دال
انتو طابة تنس وانا مضرب رافاييل نادال
بسمع اصوات براسو شكلو محتاج ميديكاشين
كتبت الفيرس وانا بمرج دا مش راب دا ماسترباشين
مخي ب فيكيشين , طالع عالفاتيكان
بعد ما سمع الفيرس تيبس وعمل حالو مانيكان
حامل عكتافي عبء كبير احدب نوتردام
طب وراب ليوناردو كاب كاتش مي اف يو كان
انا قائد بكرة الباص ماسك الستيرنج وموجه
بعرف نقاط الضعف فلما اضرب رح يوجع

[اللازمة]
يا يا يا يا
يا يا يا يا
[المقطع الثالث]
ايش حابب بكرة تكون تكون بمكتب او عنوان جريدة
المجال الفني مغناطيسي لنا دايماً عالحديدة
لولا التعب النفسي عمرنا ما عملنا راب
أرق على البيت، قرف برة , خوف على الباب
آسف على الدراما لكن لما قلنا موس
فكرتو كيكة شوكولاتة ,لإختلاف ما جوى الروس
فكيف متوقع تفهم وانت فاهي وبامبي جدا
وانا متعلق من الهاوية قاعد بعمل هيلا هوبا
أيام بتمر من مر مش عارف كيف بتمر، وبنسكت
بنضطر نعك نعمل ووركشوبس لحتى يوم ما نترك
تعطيهم كمشة بنشلاينز ما بيهتمو بتفرك
تنزل على تراب بيت فالأمور شوي بتسلك
أحياناً بحب أهاجم لاقتل وقت مش لجلك انتا
لسا بطن ماما اوعى تزعل البلاسينتا
اي كيو تلاتة اذا بلشنا عد من بلس ثريي
كلنا نفس العيلة انا بروس وانتا تط ليي
وينديز اكسبلور متأخر دايماً
صرلي 3 سنين بالسين وبتحكي سينابتيك جاي مان
نسيت الميدالية بكاسة الجاي مان
حتى اعمل زي عراق واضلني ابسط دايما

[اللازمة]
يا يا يا يا
يا يا يا يا
[المقطع الرابع]
كسم الهيب هوب، وكل من حطلو تعريف
اعطيني اي ستايل، وشوف شو رح اعمل فيه
بيت من النت، بيت من اخوي
ميكروفون ابو القرش او نيومان يبوي
اكبر ستيج بالبلد او ساحة الدار
رح يضل بار الولد عامل شغلك هزار
بتعاير بالكواليتي، انزل معي باتل
رح تكون زي يهودي وانا عمو ملك بابل
كلشي عملتو بايدي، انت عامل زي جمعية
كل واحد حط فيك شلن وقبض عالدورية
فيا بتنجز يا بتحشي صرمايتين بثمك
صرماية لكل وجه بتورجيه للي جمبك
اجواء عالية خالية من اي قيمة
الخرة لقا الخرة وفكرها غنيمة
اضلني مكبر عقلي لحد ما يبلع الكون
وانت مكبر راسك يفقع زي ابرة للبلون
ناس ميسورة ومكسورة
والناس بتحاول تمشي هالحياة زي لعبة فزورة
قد ما مصيد حيوانات حاسني ايس فينتورا
ويوم زي غودفاثر تصحى تلاقي ايد مبتورة
تعبان أكثر من سبع كواكب فاضية
حاط السكين عالحلم وحدها ماضية
فاوعى تتجاوز الخط لنو خلص
وصلت للنهاية وسمعت صوت الجرس

[اللازمة]
يا يا يا يا
يا يا يا يا

[المقطع الخامس]
فلو بابلي، بدق عالبيت زي باب الي
محسوب عالجيل اللي سما الارجيلة عندكو بابلي
بس سطري شيخ عشائري، خمرة وشغل جاهلي
والأصبع اللي البنص لكل حدا تمنى الفشل الي
وك في ناس انت شمسها بس هي عمية
مبرميش انا عشوائي، كل ضربة رب رمية
حان وقت سيمبا يرجع يخوف الضباع
الفيرس حامي وشامي وزاكي همم، حرائة أصباع
بيقولولك الايميج، المكس، طب الراب كيف ؟
مبديش بريس كيت , بطلع فايرال من الفيرس
من قد الجهد الباذلو , حاسس حالي بابلو
واللي بدو يحط علي يوم، نفسي قابلو
حاط الراب بالتابلو، عشان الطالب ناولو
الكيس عالسريع بعدين الشرطة تاخدو
بحطو خلف البارز شايفين كيف هيك صار
بعمل كومينست سوسايتي، مهاجر وانصار

[اللازمة]
يا يا يا يا
يا يا يا يا

[المقطع السادس]
كثير بكير ارمي البشكير بالحلبة
بس المسيرة لحد هسا كلها غلبة
عتبان عالناس اللي كانت الي عقبة
وهيهات ايلات بس بعيدة عنا عتبة
بلادي زي حبة البازيلا ببستان الذرة
فمش فاهم ليش همي كورني زي الكورن سيرب
الراب مش حرفة هوي حرب وعندي الحرب
مبوزين زي قلم رصاص ,هسا انبرى
قلي رابك مش هادف قلتلو كول خرا
.مهوسين بتوم هون هسا صارو تونجرا
بدنا نسافر هي سافرنا ,ويعني عادي ميه
. تعلمت انو التغيير بطلعش غير بقبح
افلت عن السكة لانها رايحة تحت .ولك
واللي رد عليهم هس كئيب وراح هلك
مش محتاج البصر حتى دور مع الفلك
والشيخ امام بقلك انا اصدق من بزق

[اللازمة]
يا يا يا يا
يا يا يا يا

[المقطع السابع]
عم بواجه مسرب كامل، بلسان وكفين
كان بصفي كمن، جندي، هس لحالي صفيت
كلهم نطو من السيارة , لما قرب الحيط
بس لما هديت الحيط، كلهم قالو أحيه
بحس برابو عشان ينسبو افيخاي ادرعي
تخلوش الفارس يرجع يمارس، ثقافة السيف
ارن هاتف على الوالد قلو ابعتلي درعي
يروح باعتلي، كل الحدا والعتابا عالبيت
كلهم بيدعو الفضل، بس الفضل الله عليك
الأول عالفصل، عالراب، فصف زي فاليت
اخطو بحذر، اقلك خود كورس باليت
مش زابطة كينج اوف تيكنيك، كون كينج اوف ايتيكيت
كثير كوتشي انتو التطاول عندكم مستسهل
محطوط تحت ضغط مشيب شعرو لباسكال
فمفكر كمن بعبعة بتوقف الطوربيد ؟
مش لايمك، جاهل، اساعدك، خود ريد

[اللازمة]
يا يا يا يا
يا يا يا يا

[المقطع الثامن]
ألفيرس سمائي، عدة طبقات
كل صبح بعد ما اصحى بلبس قناعي وعد الطلقات
حياتي ترهات , يتخللها فراغات
من الراب، الدراسة، وبعديها فعص العلقات
اكرهني زي ما بدك، تحب حالي اول
اندفشت لورا كثير، تحط حالي أول
همي كثير طايرين، تيلحقو اللي ماشي اول
وان صرت داعس بنزين، لغير مدار الكوكب
هينا عم نتعب , حتى يرجع النهر ,نهر
ناس بهالمدينة بتلعب، ناسي مايتة من القهر
قديش تحويشة راحت، قسط , للجامعة ؟
فلما تطلع تحكي يالوزير، آسف مش سامعك
كل حياتنا قرفصاء we dont skip legs day
دير بالك من الباك سايد، بستقلي شد رجليك
الراب بس وسيلة اشمط حد كف فيها
حوت معي المحيط وانتي معك الاكوافينا

[اللازمة]
يا يا يا يا
يا يا يا يا

[المقطع التاسع]
هلقدي بقدر امد رجلي من مدة
الوضع ودي فش راب بالحي
الميت الحي البازق الحارق طارق الجبل طابق
الطابق فش رجوع من بعدي زي تلاتة بالطالق
كلهم كذابين بس بحلفلهم صادق
كباتين سفن بس سيدهم نامق
وانا عدنان من جنين ولينا من المخيم
وعبسي على المخصوم بيت وثاني يوم بين
الدين للإله والدولة للغزاة
مسغرب يا جاك؟ هذا اللي اجاك
وكلنا مش بعازة لخطبة ايقاظ
رح يضلو نايمين لو ابزق سوق عكاظ
فهيلا هيلا هوبا ,يلا ضيع شعر
السينابتيك مش للبيع، فش داعي تحدد سعر
سايق بالبيكانتو وطريقي وعر
الضرب على المفصل، خذلك ردة فعل

[اللازمة]
يا يا يا يا
يا يا يا يا

[المقطع العاشر]
بنط راس ببركة لافا عالبكرة يابا
قد ما في احزان بقلبي بطلع رابي جو عتابى
غراب بأرض غرابى، غبي ولا بتتغابي
لما تقلي الحجر مبيقدرش عالميركافا
النيرفانا مش حوصل غير لما اعمل زي كوبين
الحياة لعبة قدم لحالك كمل شوطين
المزاج عالمرجيحة معلق على كوكين
بس عادي هينا فنشكشنال وشوي حمار بالعينين
بسبح مع قلق وكلشي ممكن يصير غلط
عارف كان لازم اطلع فوق بس جيت هيك بالعرض
الكراش جاي وانا عم بستنى فيه
عارف رح يشتمو فعم بتهنى فيه
يوم الي وتلات بتاخدو
بس عقلهم مش معهم فمعلش بتآخدو
قاعدين بتدافشو , قالو عني هادا شو
مضروب على الراس وعندو شوية اتيتود
دايما بنعمل اللازم من دون اي اعتبار
قدام البيت الأبيض مع ابيض كئني اسكوبار
خد البدك اياه وخليلي العبرة
صغار بهالحياة فبنستعير الخبرة

[اللازمة]
يا يا يا يا
يا يا يا يا
يا يا يا يا
يا يا يا يا