Enta Ader - انت قادر by The Artist Lyrics

تعب ، زهق حاول الف مره ينضف
بيبص كل يوم للمخدرات ويقرف
احسن ما عنده اتعمل والحال يميل ما اتعدل
كل محاوله تبطيل فاشله بتطفيلو شمس الامل
بقا مستسلم لصوت كان بيهاجمه ويطارده
حاول تاني ، حاول عاشر انت فاشل فاشل بردو
فا روحوا تدبل يعزلها عن حقيقته فا تتقل
يبدأ يصدق أنه ملهوش غير ربع جرام وسرنجه
وقت الحفله راح وضرب ، وقت الحفله وقت الضرب
مرضه يظهر يبدأ يديلوا مبررات للضرب
انا وحيد، انا غريب، انا تعبان، انا مريض،
انا مكسور, مش مفهوم، انا حزين ، انا سعيد
انا مش مدمن انا ضريب انا هبطل استطيع
انا الأول ثم أنا ثم يتحرق الجميع
يضحك مرضه يقولوا جيبتك تاني غصب عن عينك هنذيع
يبدأ يحس أنه في مشكله ، ما ليها حل باين !
كل المبادئ تحت رجله وكل شئ بقا هاين
فكر في عقاب ربنا مع أن بستره ماشي وعارف
خد القرار من نفسه طلب في يوم هيبطل
طلب مساعده من اللي كانوا زيوا في يوم من قبلوا
اول ما اعترف وقال أنا مدمن نفسه ارتاحت
كل المشاكل والعقد يا اتحلت يأما باشت
بدأ يرتب أولويات الحياه في جداول
بقا كل همه هو أنه يبطل أو يحاول
يجاهد نفسه ويعمل عكس دماغه
لحد ما اقتنع أنه مش عايش خدام مزاجه
ويعدي اليوم ، ورا تاني ، ورا تالت ، ورا عاشر
والدنيا بتفتح ما بتقفل في وشه علشان نضف وعافر
اخد شنطه ماضيه وعلى مستقبل أنضف سافر
لو عوزت بطل فا انت قادر ⁦💪🏻⁩
" في ذكرى كل من عذب وقتل في مصحات تبطيل المخدرات