Tabaloud by Sedeek - Lyrics

حالة تبلد فى الإحساس ..نمط حياة ممل جداً
مفيش نفس تعامل الناس ..إجتنابهم أصبح آءمن
فلفى يا ساقية بينا عدى الأيام خلينا نخلص
بيقولوا فاهمين عنينا حكت قالت الملخص

عند الجامع اتنين قاعدين والناس تعدى تسب وتلعن
ساب الجامع قاموا ناسيين لما كان فيهم بيأذن
ففاض الكيل مبقاش يفضفض ..زاهد زهد فى المعابد
بيسأل ايه كان يبقى وضعه لو فضل ساجد وعابد

دى سكة و ادى سكة وكل سكة وليها مشال
واللى اتشال يوحى بنهاية اللى قبله قبل اقفال
فاللى اتشاف دة كان مغلوط اصله بيعيش الشىء بعكسه
واللى اتقال ده كان غلاف لباقى حكاية شايلها لنفسه

واللى فاضله لحن قديم بيتجسدله بمسكة إيدها
هو عايز يبقى معاها وهو عايز انه يبعدها
خوفه من الماضى معلموش ..ده بيشده يعيده تانى
مهما قال فى بعده عنها أى كان حيقولوا أنانى

فياعالم باللى جاى عند الله ومفيش كلام
هل حيطلع من الدوامة ولا حيفضل فى الأوهام
ما تلفى يا ساقية تانى نفسه يبقى حلم ويصحى
لا فضل ماسك إيدها ..ولا فضلتله حتى الصحة