A riti by Rosa Balistreri Lyrics

[Testo di "'A Riti"]

Chi sorti i cosa è 'sta vita pazza
Ti rudi, t’assuttiglia e poi ti lassa
La vera vita è 'u ventu, 'u mari e 'u focu
Chistu nun avi fini, 'u restu è jocu
Jocu di giuvintù, jocu d’amuri
Ma joca megliu cu' nun avi cori
Acchiani scinni, acchiani senza meta
'Ttaccatu a 'n filu comu 'na cometa

Scinni, acchiani e scinni
Scinni, acchiani e scinni

'Na riti cu li magli troppu ranni
Si strinci quannu poi passanu l’anni
Ti fermi stancu e cridi ca è la siti
T'adduni ca si' chiusu ‘ntra la riti
Riti di giuvintu, riti d’amuri
'Sta riti nun è rosi e mancu ciuri
Acchiani, scinni, acchiani senza meta
'Ttaccatu a 'n filu comu 'na cometa
Scinni, acchiani e scinni
Scinni, acchiani e scinni

'Ddu jornu ca si ferma 'sta bannera
Va' cercu a viru vita unni si trova
Scrissi ca vogliu misu a 'stu tabbutu
Un drappu russu focu di villutu
'Ddu jornu ca si ferma 'sta bannera
Vâ cercu a viru vita unni si trova
Scrissi ca vogliu misu a 'stu tabbutu
Un drappu russu focu di villutu
Scrissi ca vogliu misu a 'stu tabbutu
Un drappu russu focu di villutu