အမှတ်မထင် Amhat Ma Htin by Raywai Lyrics

အမှတ်မထင်ပါပဲ
တရွေ့ရွေ့နဲ့အစပျိုးမိခဲ့
အမှတ်မထင်မှာပဲ
အရိပ်တစ်ခုအဖြစ်အသက်သွင်း
အမှတ်မထင်ပါပဲလေ
နံရံတစ်ခုဖြိုခွဲကာ
အချစ်စိတ်လေး ငါသိမ်းဆည်းခဲ့

မျက်လုံးချင်းမှိတ်လို့ နမ်းရှိုက်ခြင်းမှာ
မြင်ကွင်းများရုတ်တရက်လှပလို့လာ
အဆင်ပြေနေပြီ ဘာဖြစ်ဖြစ်ပေါ့ ငါ့ရင်ထဲမှာ
အချစ်ရဲ့နူးညံ့မှုတွေကြား စီးဝင်ကာ

အမှတ်မထင်ပါပဲ
အေးမြရင်းကအေးစက်ခဲ့
အမှတ်မထင်မှာပဲ
နှလုံးသားတို့ကိုက်ခဲ
အမှတ်မထင်ပါပဲလေ
နင့်စကားသံထဲက
အခိုးအငွေ့တို့ ငါမွန်းကြပ်
အမှတ်မထင်မှာပဲ
သနားဇာတ်တို့နင်ခင်းတတ်ခဲ့
အမှတ်မထင်မှာပဲ
အဆိပ်အတောက်များစွာဖြစ်
အမှတ်မထင်မှာပဲလေ
ငါတို့နားလည်ခြင်းတွေ
ဝေးသထက်ဝေးလာတော့

ငါစဉ်းစားမရတော့ တို့နှစ်ယောက်အဓိပ္ဗါယ်
အတူစီးမျောရင်းပဲ အချစ်တစ်ခု ပျောက်ကွယ်
ငါလိုချင်နေတာ အတူထွေးပိုက်ရင်း ဆိတ်ငြိမ်ခြင်းတွေ
ဒီရိုးရှင်းမှုနဲ့ မင်းမနေတတ်ခဲ့

မင်းတောင့်တသမျှ လိုက်လျောဖို့ မဖြစ်နိုင်
အပြစ်ပြောသမျှ ကြိတ်မှတ် အသက်မဆက်တော့နိုင်
ဟိုအရင်တွေလို ငါတိတ်တဆိတ်နဲ့ မချစ်နိုင်တော့ပါ
ပူအိုက်စပ်လွန်းတဲ့ အသိတွေကြား

အမှတ်မထင်မှာပဲလေ
ငါလေမတတ်နိုင်တော့
ဟိုအဝေးဆုံးထိသာပြေးထွက်ရင်း
အမှတ်မထင်ပါပဲလေ
ငါယစ်မူးစွာရူးခဲ့
ချစ်ခြင်းအသိလေးကို နှမြောမိ

အမှတ်မထင်မှာပဲလေ
ငါလေမတတ်နိုင်တော့
ဟိုအဝေးဆုံးထိသာပြေးထွက်ရင်း
အမှတ်မထင်ပါပဲလေ
ငါယစ်မူးစွာရူးခဲ့
ချစ်ခြင်းအသိလေးကို နှမြောမိ
အမှတ်မထင်မှာပဲလေ ...