Adyu mon bi payi by Pierre Kaelin Lyrics

[Couplet 1]
Adyu mon bi payi, bri dè mé pye bi dzoua
Tè pra, tè dza, tè riô, tè patyi, tè montanyè
E ti tè bi vani, lyo krè la bal' èthèla
Vo prênyo po tèmoin, vinyidè ou chèkoua
Dèbarachidè mè dou malâ ke mè chanyè
Vêr tè, payi amâ la ya irè tru bala
Adyu, mon bi payi

[Couplet 2]
Adyu, mon bi payi, adyu to chin K'amâvo
Têra dè mè j'anhyan, têra dou Pra di Tzano
Che pyâro po moda, èkrâjèri mè lârmè
Por ala chin hyintyi, k'min modon lè brâvo
Kemin on infanè, ou lyi, kan fâ chon chono
Pulyo pa mè defindre
Koniecho rin dè j'ârmè
Adyu, mon bi payi

[Couplet 3]
Mè fô modâ cholè
Chinto kemin 'na danye, dèkurcheri mon kâ
Li fèr' na grôcha pyâlye
Tyitho ti mè j'êmi, adyu, ma poura dona
Tè fô chufri por mè, chu portan pâ na kanye
Rose, konchola tè, ma mya tan amâlye
Akchaptin chi mâlà, dyu la porta cha korna
Adyu, mon bi payi