Iṣfa fell-ak lɣṛeḍ FR by Oudaden Lyrics

Nega-nn acbaṛ n tiddukla, laḥ lyaqqin

Laylal la dala ylali...
Nega-nn acbaṛ n tiddukla, laḥ lyaqqin
Ur a(r) ttiɣzifentt tuga iɣ ur llin waman
Wa bab lxir ! Zɛem nit, tessufut awal nnek !
Bab lɛaṛ, ar tt iqqerm ass nna tt(i) ttun
Nega zund islem iẓlemn iɣ iffuɣ aman
Wa yan ar d-issujad lkteṛt nnem a tisent
A yan ar d-issujad lɛfit a(d) tentt issreɣ

Mek-nna ira lɛdu gint tuder asen d lḥint
Acku ttemɛ ar ittɛmu allen meqqar a(r) smuqqulunt
Ik-nna ira wasif ig it ikka t uɣaras
Ik-nna ira lbḥer ig it ikka t uɛwwamn
Ik-nna ira benadem gint tuẓẓumt aɣ llan
Illa ddu nnes, illi nnig nnes, tuft yyi ɣ lɛaqqel
Ur igi lɛaqqel tuga, yan s yan isu tt
Wala tayyuga a(d) as yales yan aḍeṛf
Iɣ ittutkab ulili f irgazen ɛdelnin
Iṣber yan ukan isu t, izri zun(d) atay
Walaynni awddi iṣfa fell-ak lɣṛeḍ, wahya a wa
Walaynni awddi iṣfa fell-ak lɣṛeḍ, wahya a wa
Wa bab lxir ! Zɛem nit, tessufut awal nnek, wahya a wa
A bab lɛaṛ, ar tt iqqrem ass nna tt(i) ttun, wahya a wa

Wahya wa, wa, wa, ya wa
Wahy a wa, wa, wa, ya wa

Walaynni awddi iṣfa fell-ak lɣṛeḍ, wahya a wa

Walaynni awddi iṣfa fell-ak lɣṛeḍ, wahya a wa
Immnɛa lḥubb iɣ iḍeṛ ɣ tasa laḥ lmal, wahya a wa
Iga win ɣ yyiḍ, azal awin ten waman, wahya a wa
Zud aḥlas iɣ t id-iluḥ kra wasif, wahya a wa
Iɣ ur isdid ifrig ra(d) t awin waman, wahya a wa
Nega lmeskin, ur nedrek a(d) sul nesawal, wahya a wa

Wahya wa, wa, wa, ya wa
Wahya wa, wa, wa, ya wa