Giɣ zund angwmar FR by Oudaden Lyrics

Iẓeṛi nnun, a kra, iwi-d aman
Wa ɣik-ann a(d) iga lqqleb nneɣ
Ibḍa zzaman itbiren bla ran
Ur sul issen yan wayya(ḍ), ngaran

Giɣ zud angwmar ur d imikk d ussan
Nettabɛa laṭer n iẓwnkaḍ ar tizi, jlun aɣ

Giɣ zud angwmar ur d imikk d ussan
Nettabɛa laṭer n iẓwnkaḍ ar tizi, jlun aɣ
Akwleɣ f ulgwmaḍ, ur sseneɣ is kullu iga ssemm
Ijder kullu tasa nu, mad riɣ ad gwmmereɣ ?
Aḍbib nna dar ddiɣ a(d) aɣ imel ddwa nneɣ
Iskufeṛ t Ṛebbi, inna yyi : « Ur dar-i ddwa nnun.»
Geɣ ṛṛja nu ɣ Ṛebbi, nettan as riɣ ad yyi dawan
Imma ddwa n lḥubb (nniɣ ak) ur t iga ibla yan
Aḥbib iɣ illa ɣ ṭṭeref nnek ad d-ik jmmɛan
Ifek ak lxaṭer, kullu ra(d) idawa jjruḥ nnek
Iɣ ak yaggug, a(d) k ukan iɛawen Ṛebbi, a (y) igllin !
Imma aḍbib ula asfar ur g-ik iqqwḍi yat
A tamment n ujddig ur a(r) ttili bla mars, is ka nuḥel
Wa tamimt n wawal ar ttili bla luqqt, is ka nuḥel
Aṣiyyad, walli t igan ad ur igwmer s ils, is ka nuḥel
A bu-lɛyaḍ, is a(r) ka tessṛmit imi nnek, is ka nuḥel
Mennackk n ccabab a(d) t jlam, a (y) izaɣaren, ma f ka nuḥel ?
Ukan ifek aḍaṛ i ddunit, izayd, iliḥ t, ma f ka nuḥel ?
Iɣ ifllet i ugrzam, ifis imdi as, ma f ka nuḥel ?
A wanna igan ṣṣabun issiridn ulawen, ma f ka nuḥel ?
Ad issird lḥasada d lkufeṛ ɣ tasa nnes, ma f ka nuḥel ?