Ecc imikk Fel yyi imikk FR by Oudaden Lyrics

Urri-d, urri-d, a lɛaqqel, f ɣ illi taggugt
Ad ur teɣawalt a(d) s-res tawit iḍaṛṛen
Yan s-rek ur ifreḥn ass nna ɣ t(i) teḥtajjat
Gan zund asif iḥmeln, a(d) t ur teḥadat !
Ad ur tenakaṛt, a (y) afgan, kra dar-k !
Ur a(r) ittenakaṛ yan lxir i bab nnes

Ecc imikk ! Fel yyi imikk !
Maxx ur giɣ gwma-k ?

Lqqenɛ a(d) ur illin, a (y) afgan, imma tiremt
Illa g-i(n)ɣ yan teciḍ as d, yan issikit tentt
A walli isrutn, zuzzern, fek yyi timillut !
Imma lɛcuṛ idda s uxzan ur akkw ikkis
Lɛcuṛ idda s uxzan ur akkw ikkis

Ecc imikk ! Fel yyi imikk !
Maxx ur giɣ gwma-k ?

A wi-d itteẓin f tengult iɣ tt id-ttufam
Mun at as kullu, tajjim ku-yan icc imikk !
Ur nessin ma tta ɣi-d a (y) iwaliwen telkemm
Immim uslal ixleḍn f tamment iḥuṛṛan
Ecc imikk ! Fel yyi imikk !
Maxx ur giɣ gwma-k ?

Ad ṛẓemeɣ ya(n) lktab ismun akkw lḥuṛuf
Inna yyi lɛaqqel ra(d) g-is tafit asafar
Negguma man taguri g-is aɣ ra(d) tentt lkemeɣ
Iga ṛṛja win Ṛebbi, melan aɣ aɣaras
Yan ira Ṛebbi, gin fell-asen tisent

Ecc imikk ! Fel yyi imikk !
Maxx ur giɣ gwma-k ?

Ar yyi talla f yan iɣ hwweln
Tasa, ur yyi tujjimt

Neẓeṛa taduli n lbṛej ar d-iṭṭar
Tasa, ur yyi tujjimt
Man za id bab nnes ad as d-urrin ?
Tasa, ur yyi tujjimt
Ar g-is tegllabemt, a titbirin
Tasa, ur yyi tujjimt
Ad ur ittu yan ti-lli zrinin
Tasa, ur yyi tujjimt
Azzel ar(-d) teṛemit, turri-d s-isent
Tasa, ur yyi tujjimt
Azzel ar(-d) teṛemit, turri-d s-isent
Tasa, ur yyi tujjimt
A(d) ur imil afentt tilli teɣawlt
Tasa, ur yyi tujjimt
Ar yyi talla f yan iɣ hwweln
Tasa, ur yyi tujjimt
Ar yyi talla f yan iɣ hwweln
Tasa, ur yyi tujjimt