The Barnyards o Delgaty by Old Blind Dogs Lyrics

[Verse 1]
As I cam in by Turra Mercat
Turra Mercat for tae fee
I met in wi a fermer chiel
Fae the Barnyards o Delgaty

[Chorus]
Oh, linten addie
Oh, linten addie
Oh, linten lowrin
The Barnyards o Delgaty

[Verse 2]
He promised me, oh, the best pair
Iver I set my een upon
Fan I got tae the Barnyards
Thare wis naethin' thare but skin and bone

[Chorus]
Oh, linten addie (Tourin addie)
Oh, linten addie (Tourin ey)
Oh, linten lowrin (Lowrin lowrin)
It's the Barnyards o Delgaty
[Verse 3]
The auld black horse sat on its rump
The auld fite meir lay on her wame
For aw that I coud hup an crack
She wadna rise at yokin time

[Chorus]
Oh, linten addie (Tourin addie)
Oh, linten addie (Tourin ey)
Oh, linten lowrin (Lowrin lowrin)
It's the Barnyards o Delgaty

[Verse 4]
Oh, auld Meg Smith, she maks ma brose
And it's wi her I can agree
First a knot, aye, syne a maut
And aye anither jilp o bree

[Chorus]
Oh, linten addie (Tourin addie)
Oh, linten addie (Tourin ey)
Oh, linten lowrin (Lowrin lowrin)
It's the Barnyards o Delgaty

[Verse 5]
Fan I gang tae the kirk on Sunday
Mony's the bonnie lassie I see
Sittin by her faither's side
And winkin ower the pews at me
[Chorus]
Oh, linten addie (Tourin addie)
Oh, linten addie (Tourin ey)
Oh, linten lowrin (Lowrin lowrin)
It's the Barnyards o Delgaty

[Verse 6]
Nou I can drink and no be drunk
I can fecht and no be slain
I can sleep wi anither man's wife
And aye be welcome tae me ain

[Chorus]
Oh, linten addie (Tourin addie)
Oh, linten addie (Tourin ey)
Oh, linten lowrin (Lowrin lowrin)
It's the Barnyards o Delgaty

[Verse 7]
But nou ma caunle is brunt oot
Its splutterin fairly on the wane
Oh, fare ye weel, ye Barnyards
Ye'll niver catch me here again

[Chorus]
Oh, linten addie (Tourin addie)
Oh, linten addie (Tourin ey)
Says, linten lowrin (Lowrin lowrin)
It's the Barnyards o Delgaty
Oh, linten addie (Tourin addie)
Oh, linten addie (Tourin ey)
Oh, linten lowrin (Lowrin lowrin)
It's the Barnyards o Delgaty