Gəz by OZAN qrupu Lyrics

[Giriş]
Əzizim, Ozan gəlir
Elimə Ozan gəlir
Xalq nəfəsli şeirlər, nəğmələr yazan gəlir
Nəğmələr yazan gəlir

[Bənd 1]
Könül, dolan el-obanı
O dağda gəz, bu dağda gəz
Leylək olub yer eşincə
Sən bülbül ol, budaqda gəz

[Körpü]
Gəz, gəz, budaqda gəz!
Gəz, gəz, budaqda, budaqda
Gəz!

[Bənd 2]
Hər atəşə, oda yanma
Sözün haqsa, onu danma
Manat olub xırdalanma
Yaqut kimi barmaqda gəz
[Körpü]
Gəz, gəz, barmaqda gəz!
Gəz, gəz, barmaqda, barmaqda
Gəz!

[Bənd 3]
Əskik olma xeyir-şərdə
Gün tək görün sən hər yerdə
Duyğu kimi ürəklərdə
Nəğmə kimi dodaqda gəz

[Sonluq]
Gəz, gəz, dodaqda gəz!
Gəz, gəz, dodaqda gəz!
Gəz, gəz, dodaqda gəz!
Gəz, gəz, dodaqda, dodaqda
Dodaqda gəz!