Po vetru glas by Miroslav Krlea Lyrics
Po vetru glas
O turopolskem ognu
Turopolje pali
Kusin sin Mehmed Zoglu
S tri horvacke glave na barjaku voglu
Zvon zveni po turmezejskim cirkvam
Simtamaju na jogenj, kampanaju na stran
Mraclin gori, Lukavec, Komešov glavni stan
Kerestinec pod Odrom, Botinec je zežgan
Brenči Sveta Klara, cingilinga celi dan
Pleso, Buzin, Čehi v megli nastrankuju
Ti glasi javču, kak pošta putuju
Na Kaptol, gdi kak jazbec harče v lukni
Pospani biškup ban
Zvon žvenka kak brunda, bobnja kak tempan
Cincinka loterščak, kak febra gnojneh ran
Turmezejsko se dimi, žge ga Hasan-Kan
Kak more se muž zvleči z tega sega van?
Kaj muž pravzaprav, ak prav se zеme, ima
Od sega tega banskеga šerega?
Baba mu se vleče od francuskeg betega
Zadnju mu češnjofku španjol je fkral z dima
Mužu spasa neje, nebu ga i ne ga
Blisičeju meči, zelenki goreči
Kak šlivovka plavi gda se peče v peči
Žvepleni turski meči pri ognjenoj sveči
Od karvi turopolske čarni i rdeči
Muhurli-gadare zbulane v Stambulu
Kurdistanjke sable kaj preseku đulu
Kakti tikvu trulu
Nagiftana giftom
Kača v sakoj kirmanjkinji spi
Šamlijanjke, ađemkinje
Misirlije, kolankinje
A pod njimi kak megla se dimi
Konjskih repov tri jezer i tri
Ročaj mečov balčak zvani
Z đemantima nacifrani
Šeregbontov nebrojani
Denes je tak kak i lani
Pišu nam se čarni dani
Turopolci, Petrinjani!
Sablje britke, ostre, tanke
Šerežanke i taljanke
Kosijeri, buzdogani
Si su martvi naši bani
Kapetani, kapelani
Ak pak Turčin nazaj prejde, došli buju nacifrani
Valonski jopci, kopilani, trumbentaši, lutorani
Na bandjeri bande banske
Leowenclau von Bonaventura
Ki je imel vre pod Siskom pune hlače, punog tura
Kaj je lani pri Kaniže
Na loncu sedel od muslomanjske griže
Loncknehtov banda, soldateska stranjska
Kaj im je skarb banska kak snežnica lanjska
General bu došel grički grof Aldo Aldobrandini
Kteri se naše snaše, cure, žene slini
Pak Obrist Regemente, Salvador San Clemente
Kaj pelaju za njimi muškata tristri brente
Gigerl z ogerličum kune valpovečke
Ki devicam našim poštucal je se kečke
Na galgam zibluč turopolske dečke
S harcom komandjera iz kočije, sedečke
Pak kervavi svat
Mosje Bouquoi, tat, ilerski ftergnivrat
Ki drugo nezna nigdar komandjerat
Neg regiment pusjerat
à la Cravate!
O turopolskem ognu
Turopolje pali
Kusin sin Mehmed Zoglu
S tri horvacke glave na barjaku voglu
Zvon zveni po turmezejskim cirkvam
Simtamaju na jogenj, kampanaju na stran
Mraclin gori, Lukavec, Komešov glavni stan
Kerestinec pod Odrom, Botinec je zežgan
Brenči Sveta Klara, cingilinga celi dan
Pleso, Buzin, Čehi v megli nastrankuju
Ti glasi javču, kak pošta putuju
Na Kaptol, gdi kak jazbec harče v lukni
Pospani biškup ban
Zvon žvenka kak brunda, bobnja kak tempan
Cincinka loterščak, kak febra gnojneh ran
Turmezejsko se dimi, žge ga Hasan-Kan
Kak more se muž zvleči z tega sega van?
Kaj muž pravzaprav, ak prav se zеme, ima
Od sega tega banskеga šerega?
Baba mu se vleče od francuskeg betega
Zadnju mu češnjofku španjol je fkral z dima
Mužu spasa neje, nebu ga i ne ga
Blisičeju meči, zelenki goreči
Kak šlivovka plavi gda se peče v peči
Žvepleni turski meči pri ognjenoj sveči
Od karvi turopolske čarni i rdeči
Muhurli-gadare zbulane v Stambulu
Kurdistanjke sable kaj preseku đulu
Kakti tikvu trulu
Nagiftana giftom
Kača v sakoj kirmanjkinji spi
Šamlijanjke, ađemkinje
Misirlije, kolankinje
A pod njimi kak megla se dimi
Konjskih repov tri jezer i tri
Ročaj mečov balčak zvani
Z đemantima nacifrani
Šeregbontov nebrojani
Denes je tak kak i lani
Pišu nam se čarni dani
Turopolci, Petrinjani!
Sablje britke, ostre, tanke
Šerežanke i taljanke
Kosijeri, buzdogani
Si su martvi naši bani
Kapetani, kapelani
Ak pak Turčin nazaj prejde, došli buju nacifrani
Valonski jopci, kopilani, trumbentaši, lutorani
Na bandjeri bande banske
Leowenclau von Bonaventura
Ki je imel vre pod Siskom pune hlače, punog tura
Kaj je lani pri Kaniže
Na loncu sedel od muslomanjske griže
Loncknehtov banda, soldateska stranjska
Kaj im je skarb banska kak snežnica lanjska
General bu došel grički grof Aldo Aldobrandini
Kteri se naše snaše, cure, žene slini
Pak Obrist Regemente, Salvador San Clemente
Kaj pelaju za njimi muškata tristri brente
Gigerl z ogerličum kune valpovečke
Ki devicam našim poštucal je se kečke
Na galgam zibluč turopolske dečke
S harcom komandjera iz kočije, sedečke
Pak kervavi svat
Mosje Bouquoi, tat, ilerski ftergnivrat
Ki drugo nezna nigdar komandjerat
Neg regiment pusjerat
à la Cravate!