Gumbelijum roža fino diši by Miroslav Krlea Lyrics

Gumbelijum roža
Fino diši
Na galgam se bumo
Zibali si

Hej, haj, prišel je kraj
Nigdar več nebu dišal nam maj!

Zavijal celu noč stekli je pes
Celu noč pilko nam hoblal je les

Z scalinom nam buju prelejali grob
V pesje gnojnišče zlopatali drob

Gumbelijum beli mertvečki diši
Z galgah se nigdo povernul ni

Hej, haj, nek cvate maj
Nigdar nas v pekel taj
Nebu nazaj