Mavi Gözlərin by Mardan Kazimov Lyrics

[Bənd 1]
Yenə gecə, yenə boş küçələr
Mən gəzirəm xəyallarınla
Sən çıxmırsan bir an fikrimdən
İstəsəm də, istəməsəm də

Ruhumu oxşar mavi gözlərin
Şirindir belə acı sözlərin
Təki mənlə danış, mənə söylə
“Qadan alaram”
Gəlsin mənə bütün dərdlərin

Beynimin içində, hər an hər biçimdə
Qalmayıb seçim də, bil mənim üçün də
Səndən qeyrisi, əyrisi, doğrusu
Biləsən, zərrə deyil mənim vecimə

[Nəqərat]
Qəlbimə məlhəm sənin mavi gözlərin
İstərəm tutsun sonsuz əlim əllərin
Sənə yazılır bütün misralarım
Bütün mahnılarım, mənim bütün sözlərim
Mənim bütün sözlərim
Mənim bütün sözlərim

[Bənd 2]
Qalmışam yolunda, azacam sonunda
Bəlkə şeytansan, amma mələk donunda?
Belə görünür, yox başqa yolum da
Yer ayır qalım əbədi mən solunda

Səni hiss edim hər daim yanımda
Sağımda, solumda, könlümdə, yuxularımda
Səni görürəm zatən hər axşam
İstərəm gerçək olsun sənlə
Sənli röyalarım da

Güvən mənə, gəl çıxaq birgə yola
Gəzək Xəzərin sahilin qol – qola
Sevişək səhərədək doya – doya
Açaq günəşin gözün biz oya – oya

[Nəqərat]
Nə etsəm də çıxmır ağlımdan mavi gözlərin
Gəl, artıq qovuşsun əllərimlə əllərin
Sənə yazıldı bu mahnının bütün misraları
Bütün sözləri...