Dr Gloon by Mani Matter Lyrics

Sys Haar wachst über d'Ohre
Sy Chutten isch ihm z'läng
Ei Hemmlichnopf verloren
Und d'Hosen öppis z'äng
Eso chunnt är drhär
Nid öppen us Prinzip
Är macht nüt us Prinzip
Ä isch en unbefangne Tip
Är treit ou gärn im Chnopfloch
E Blüete rote Mohn
Är isch e Gloon

Dass är das so darf wage
Das chunnt von sym Defäkt
Dä isch nid liecht z'ertragen
Es fählt im dr Reschpäkt
Reschpäkt vor ärnschte Gsichter
Reschpäkt vor höche Räng
Speziell vor höche Räng
Verseit sy Chinderstube gäng
I kreire guete Gsellschaft
Preicht är dr richtig Ton
Är isch e Gloon
Är sitz gärn i de Peize
Het gärn vil Publikum
Und d'Lüt zum lache z'reizen
Isch's ihm fascht immer drum
So tuet är ne verzelle
Was ihm alles isch passiert
Und was nid isch passiert
Tuet är erfinde unscheniert
Und är isch geng de Lööli
I jeder Situation
Är isch e Gloon

Doch mängisch we dr Mond schynt
Passierts dass spät ir Nacht
We d'Stadt fascht unbewont schynt
Är e Spaziergang macht
De louft är melancholisch
Alei zmitts uf dr Strasss
Und murmlet uf dr Strass
So vor sech hi me weis nid was
Und luegt em Mond id Ouge
Mit grosser Emotion
Är isch e Gloon

Doch statt e Glögglichappe
Ufgsetzt z'übercho
Treit är am Tag e Mappe
Und schafft im Stüürbüro
Me weiss hütt nüm was mache
Mit Lüt eso win är
Wi wenn für Lüt win är
Hütt ke Verwändigszwäck meh wär
So sitzt er a sym Pültli
Statt uf em Narethron
Und isch e Gloon