Abstract | نبذة مختصرة by MT MANDO Lyrics

تايه وحابب كده , مش مستني منهم ولا رد فعل
محدش شايفك مختلف , فا انت بالنسبالهم هتفضل استبن
مفيش صوت , لوحدي وبحارب في نفسي عشان افضل عايش كده
الاكتئاب علاج من الناس دي , الشارع بيقتل بالبطئ فعلآ

بسيط جدآ , فقير وفي نظر المجتمع هنا مليش لازمة
لسة بتروح المدرسة واصحابك خلاص وصلوا ل تالته
فا دي كانت مشكلتك انت , وهمك هيألك انك هتبقي مرتاح
من صغرك وانت مكروه جدآ , والسبب مجهول مفيش اجابات

وانت , عايزك تفهم اني مش محتاجلك بعد العمر ده
17سنه ولسة محستش اني ليا عيله او حتي اب بجد
حتي كابوسي اتحقق ومفيش حد مصدق انك هنا
فاكرين اني مريض نفسي ومش شايفين اسلوبك في ده

الناس دي حابة تشوفني بتكسر , وانا بلزق في نفسي
نورك بيعمي العيون , بس وجودك اثبتلي
اني ضعيف بجد من صغري بخاف اني اعمل مشكلة
بهرب من ده وببان اقوي من الناس دي بس انا مش كده

----
انا لا شيطان ولا هكون ملاك
كان بينا خيط ومفيش كلام
هحارب بس هموت عشان
مفيش بطل بيعيش في سلام