Paradoxe by Lotfi Double Kanon Lyrics

المرة ديا راح نفهمك فالبارادوكسp.a.r.d.o.x.e
C très logique au même temps أمر عجيب
لازم تفهمها باه تجيك جيب الروفران أيا جيب

[اللازمة]

Paradoxe p.a.r.a.d.o.x.e
كلمة très complexeو التفسير ماشو فيكس
Puisque المعنى تاعها صعيب باه يجيك هو أمر عجيب
Au même temps très logique

[المقطع الاول ]


البارادوكس باه تفهموا نعطيك أمثلة نبداو صح ببلادنا هنا
واش رام يقولوا علينا حنا زعما عالم ثالث يعني دولة فقيرة
مكانش إكتفاء ذاتي و في ازمة كبيرة
البارادوكس كي جيك هاي حاجة أخرى
شوف الطوموبيلات تلقى اللخرا وراأختها
لي تعدي فتيلي ففرونسا بوبليسيتي
راي ديجا درك في بلادنا في الطريق اكسيدونتي
La logique تقولك crise économique
يعني الصوارد صح ناقسين و زيد صح مكانش لي جيب
بصح البرادوكس كي جيك راو يهبل
كي تشوف الغاشي لي فالحوانت تاع الذهب
تشوف les villas لي يتباعو تقول قصور
كي تشوف les jeoures تاع فوت ب تسعميات مليون
مغني تاع شرقي أم جابوه بديمليار
والفرحبة بالشكاير يتباع الاورو و الدولار
[اللازمة]

[المقطع الثاني]


بارادوكس ..نعطيك مثال مفهوم
تشفى الكاريكاتور لي دار مع الرسول
ياخي هاجت لبلاد و خرجوا المظاهرات
مام صرات تهديدات و طلبوا الكل إعتذارات
وعلاه في بلادنا لي يتعارك و يتحلب
أول حاجة يسبها هي ربي و محمد
يبدا لكفير و السبان ملفوق للتحت
زعما صح قاوي وواعر ومايخاف حتى واحد
الناس تسمع حنايا الكل صايي والفنا
كاشما سمعت واحد رام حكموه عل جال كفرة
بصح بالاك تغلط وتجبد الشخصية
اي تم صح تتخبى يحطوا راسك فالصاشية
و نزيدك مثال واحداخر اسمع ليا
ياخي حنايا الكل نحبوا الآيات القرآنية
En plusنعزوها نهزوها نقدسوها موحال نوسخوها
ولا نحاولوا نقيسوها بصح البارادوكس يخليك صح تذوب
يا يخي في أي جريدة كاين القرآن تم مكتوب
مالا وعلاه الجورنال تشوفو مطيش فالطريق
علاه تشوفوا فالزبلة و توالات بوبليك
تلقاه عند الخضار عندالجزار و المحلات
تلقاه يمسحوا بيه وينظفوا بيه الطوموبيلات
واحد مالاتي بيه واحد ماعمبالو بيه
حنايا كل هنا غافلين وكلام ربي نهينوافيه
[اللازمة]

[المقطع الثالث]

و نزيدك مثال فالشهر تاع رمضان
فالحق هو الشهر تاع التوبة والغفران
شهر الرحمة و التقوى و العبادة
شهر دير فيه الخير و تعاون هذا و هذا
البارادوكس عندنا رمضان ماشي تاع دين
هو الشهر تاع العراك تاع السرقة و تاع la crime
شهر تاع السهرة قعدة قهاوي طول الليل
الشهر تاع الرقاد عيا روبو و تفنيين
En plusرمضان عند الدول المسلمة
لي عندها إلاه واحد نبي قرآن وسنة
جامي وصلنا باه نصوموا مع بعضانا
ديما يفطروا قبلنا ولا وحايد يعيدواورانا
قداه رانا 3مليار فلابلانيت
أضعف الدول فالعلم وفالقوات
عاديكا بقات هدرت الغزالي ياسلام
كاين مسلمين بصح وين هو الإسلام


[اللازمة]

[المقطع الرابع ]
البارادوكس راك فهمتوا ولا لا
C nn اقرا القرآن تبع بيان لكلام هذا
سيدنا لوط كان نبي بصح مرتوا كانت كافرة
فرعون كان كافر مرتوا كانت مؤمنة كيفنا
عم الرسول مات بلا ما يشهد
Pourtant دافع على محمد ضد ابا جهل
ربي قالك فالحديث القدسي
كيفاه نحب عبدي وأنا في قلبوا ديما منسي

[اللازمة]