Khali nahdar / خلّيني نـهدر by Lotfi Double Kanon Lyrics

[المقطع الأول]
أني نغني عـ الناس الكل ما عندي حتى فرق
مهما يكون الأصل في التاريخ ولاّ في العرق
و لا حَكمك القلق روح اقرى سورة الفلق
كل واحد فينا تخلق ، غير من نطفة و علق
نغني عـ الولايات من الجهة ذي للجهة ذيا
نجاهد بجهدي باش نلحّي الجهوية
خطاك الجاهلية آي جابت طبقات
نْسَاوْ حنا من آدم و آدم من تراب
نغني باللغة تاعي ، بالدارجة العجب
هذا دياليكت ديريكت ما فيهش لغة الخشب
كالا شد و اشمع الأسرار تاع قوالي
و كلامي روح أقراه مع نزار القباني
خطرة نكون شاعو ، خطرة نكون شاعر
خطرة نغني عـ لي جاعوا و المعيشة لي بشاعت
نحبك تفهمني أني نقولها بالقبايلي
خويا حدري ماني ، هاذوما ولاد بلادي

[اللازمة]
أوو خلّي نغني هنا عـ ولاد بلادي
خلّيني نغني عـ واش كاين في الحياة هاذي
خلّيني نـــهدر ، خلّيني نعــــــبّر
حلّيني نحكي خطاك قلبي معمّر
[المقطع الثاني]
و نغني على أي واحد ما يهمنيش وين يسكن
في الشرق في مدوروش ولا في السود في بني يزقن
الأغواط ، تلمسان ، مستغانم ولاّ مغنية
من الحاسي لواد سوف و من الخروب للأخضرية
بالنسبة ليا الماتريكول معمول هكّاك
حنا ولاد النجمة و الهلال ، ولاد الرجلة و الهدّات
ليستوار صايي فرات ، آي مركات اسمنا هنا
بالستيلو تاع بن باديس و السيوفة تاع الكاهنة
علاديكا راني هنا عـ الترقي تاع الصحرا
السطيف و قالمة في الـ 45 يعطيهم الصحة
زيدلهم تاع باتنة ، تيزي وزو و بجاية
الكوراج تاع الشاوية و الجبال تاع يما قورايا
مالا قول معايا : يرحم العباد هذيا
لي ماتوا في الثورة ولاّ لي ماتوا عـ الديمقراطية
القضية ذيا تاع نيف ، قدر و قيمة
علاديكا ولاد بلادي اني نغني عليهم ديما

[اللازمة]
أوو خلّي نغني هنا عـ ولاد بلادي
خلّيني نغني عـ واش كاين في الحياة هاذي
خلّيني نـــهدر ، خلّيني نعــــــبّر
حلّيني نحكي خطاك قلبي معمّر

[المقطع الثالث]
و نغني عـ الطفلة ما تهمنيش سمرا و بيضا
المهم بقيمتها بالقراية ولاّ بالخياطة
نحكي عـ المراة لي تعيَّشْ ولادها بالبونسيون
و طفل لي يسهر باش يجيب الباك افيك مونسيون
نحكي عـ الجون لي بالغربة اتسحر
لي راح في فلوكة و مسكين مات في نص البحر
و نحكي عـ لي خاطيهم مساكن خاوتنا حنا
فتلوهم أيادي الغدر بالظلم الخونة
نحكي عـ الجون لي يحب الفوت و البالون
لي يحب لي ماتش و لي يزدم في لي غازون
لي يروح لي ديبلاسمون مع ليكيب و مع الغاشي
لي يصوطي عـ السور و لي جامي يخش على الغيشي
هذا هو الكليشي ، هذو هم لي زالجيريان
فينا العاقل فينا القبيح ، فينا المارق فينا البيان
فينالمون قابلين الكل نموتو عـ العلام
خطاك أوفون هذوما ولاد هذوما ولاد...
[اللازمة]
أوو خلّي نغني هنا عـ ولاد بلادي
خلّيني نغني عـ واش كاين في الحياة هاذي
خلّيني نـــهدر ، خلّيني نعــــــبّر
حلّيني نحكي خطاك قلبي معمّر