Sarṕi Moleni by Kazm Koyuncu Lyrics

Sarṕi çkunis bulbulepek ibiran
Mis var užirun Sarṕi moxtan žiran
Porťukaliş limoniş pukirişi
Şurapes doloxe goxtan do ižgan

Elamtepek mitam ǩoçis užiʒams
Hak bulbulik purkinoras ubirams
Çai picis dosťiberen zoğa cans
Pukirepeş şuraten ar ixi bars

Sarṕi moleni Sarṕi moleni
Purkinora skani şuras ǩoçi dižğeni
Ǩolektivis na var ixels miti diveni

Komebaçvi he Sarṕuli kulanis
Ma ar fara ia bžiri do çais
Mskvana muşi mukoti bomskvana ğirs
Mendraleşen ma Lazuri gemabirs

Si ma domḉvi e veraneş kulani
Daçxuri ren uça tolepe-skani
Si gziraşi mu mağoden var miçkin
Mot memillams xe do ǩuçxes dermani