WA3D by KDK Lyrics

[اللازمة]
يما واخا نكتب ألف كتاب
اللي نقولو كامل قليل فحقك
اذا قبل منك داني المكتاب
كنطلب من الله الكبير يسمحلي من حقك

[المقطع الأول]
عارف من المستحيل نوصف اللي كنحس من جهتك
وعارفك من المستحيل تكون ساخطة عليا و هادي طبيعتك
بالحق أنا لي حمار و كان خصني الداق اه
ندمان على كل كلمة خرجت عالية من الحلق اه
سهرتي ليالي و ليالي و عمرك تشكيتي ليلة
لي جاتني كثيرة انا فبالي نتينا كتجيك قليلة
جرحي كبير ولا صغير كان معايا قاسماه
و الهم لي يقيسلي قلبي قلبك كيتقاس معاه
جيت طالب رضاك .. سمحلي بزاف ا يما
ديما طير صغير فسماك جامي يتقادو الكتاف ا يما
غنبقى ديما كريم الصغير قدامك و طامع فرضاك
حيت الجنة تحت اقدامك يما

[اللازمة]
يما واخا نكتب ألف كتاب
اللي نقولو كامل قليل فحقك
اذا قبل منك داني المكتاب
كنطلب من الله الكبير يسمحلي من حقك
[المقطع الثاني]
كنخيل حياتي بلا بيك انا كنبغي نحماق
واخا دكحل ايامي كتبقى بوحدك فيها ضو كيبراق
حبي ليك story منقدرشي نعبر عليها بسطوري
يا لي عصبتك فالليل و فالصباح جبرتك حاطة فطوري
و ملي تعريت بالليل شكون من غيرك غطاني
ملي حياتي ولات ويل شكون من غيرك حنانه عطاني
كنواعدك نعمل المستحيل و نشوفك ضاحكة ايما
وادا سبقتك للرحيل .. سمحلي بزاف ايما

[اللازمة]
يما واخا نكتب ألف كتاب ..
اللي نقولو كامل قليل فحقك
اذا قبل منك داني المكتاب ..
كنطلب من الله الكبير يسمحلي من حقك

[الخاتمة]
و هاد الكلام ليك ا الواليدة ديالي
أعظم خلق الله فالكون
بلا بيك انا رخيص و برضاك غالي
حيت الحياة بلا بيك ما عندها لون