Palomma e Notte by Giovanni Block Lyrics

Tiene mente 'sta palomma
Comme gira e comm'avota
Comme torna n'ata vota
Sta ceròggena a tentà

Palummè' chist'è nu lume
Nun è rosa o giesummino
E tu, a forza, ccà vicino
Te vuó' mettere a vulà

Vatténn' 'a lloco
Vatténne, pazzarella
Va' palummella e torna
E torna a st'aria
Accussì fresca e bella
'O bbì' ca i' pure
Mm'abbaglio chianu chiano
E che mm'abbrucio 'a mano
Pe' te ne vulé...

Carulì', pe' nu capriccio
Tu vuó' fá scuntento a n'ato
E po', quanno ll'hê lassato
Tu, addu n'ato vuó' vulà
Troppi core staje strignenno
Cu sti mmane piccerelle
Ma fernisce ca sti scelle
Pure tu te puó' abbrucià

Vatténn' 'a lloco
Vatténne, pazzarella
Va' palummella e torna
E torna a st'aria
Accussì fresca e bella
'O bbì' ca i' pure
Mm'abbaglio, ma ‘a luntano
E che mm'abbrucio 'a mano
Pe' te ne vulé caccià?

'O bbì' ca i' pure
Mm'abbaglio, ma ‘a luntano
E che mm'abbrucio 'a mano
Pe' te ne vulé caccià?