Canterbury Tales: The Doctor by Geoffrey Chaucer Lyrics

With us ther was a Doctour of Phisik;
In all this world ne was ther noon hym lik,
To speke of phisik and of surgerye;
For he was grounded in astronomye.
He kepte his pacient a ful greet deel
In houres, by his magyk natureel.
Wel koude he fortunen the ascendent
Of his ymáges for his pacient.
He knew the cause of everich maladye,
Were it of hoot, or cold, or moyste, or drye,
And where they engendred and of what humour.
He was a verray, parfit praktisour;
The cause y-knowe, and of his harm the roote,
Anon he yaf the sike man his boote.
Ful redy hadde he his apothecaries