Ad honorem tui Christi by Estampie Lyrics

Ad honorem tui, Christe
Danielis ludus iste
In Belvaco est inventus
Et invenit hunc juventus

(Dum venerit Rex Balthasar, PRINCIPES SUI cantabunt ante eum hanc prosam:)

Astra tenenti cunctipotenti turba virilis
Et puerilis contio piaudit
Nam Danielem multa fidelem et subiisse
Atque tulisse firmiter audit
Convocat ad se rex sapientes, grammata
Dextrae quid sibi dicant, enucleantes
Quae quia scribae non potuere solvere regi
Illico muti conticuere
Sed Danieli scripta legenti mox patuere
Quae prius illis clausa fuere
Quem quia vidit prevaluisse Balthasar illis
Fertur in aula praeposuisse
Causa reperta non satis apta destinat illum
Ore leonum dilacerandum
Sed, Deus, illos ante malignos in Danielem
Tunc voluisti esse benignos
Huic quoque panis, ne sit inanis
Mittitur a te praepete vate prandia dante
(Tunc ascendat Rex in sedium, et SATRAPAE ei applaudentes dicant:)

Rex, in aeternum vive!

(Et rex aperiet os suum dicens)

Vos qui paretis meis vocibus
Afferte vasa meis usibus
Quae templo pater meus abstulit
Judaeam graviter cum perculit