Kapitall by Erekle Deisadze Lyrics

[Verse 1]
ვისი ტანკები დაიკავებენ ამ გამზირს
ამ დილით თურმე ქალაქში პური გაძვირდა
სიღარიბე ახლა უკვე ყველა კართან ზის
ვიგრძენი, რომ ფონი კიდევ უფრო დამძიმდა
კაპიტალიზმი ცოცავს და აფინანსებს ლოცვას
კონკურენციის სახელით ძლიერებით სუსტებს ხოცავს
გახეულ ჯიბეში სანამ მოიძიებ ხურდებს
როცა ითვლი, არსად ეჩქარება, შენზე მეტი დროც აქვს
ყოველ დილით ბანკიდან გირეკავენ
გემუქრებიან ქირით, მომავალს გიჭამენ
გადადგამ ნაბიჯს, ღია კარებს გიკეტავენ
გაგიღიმებენ და მერე ღიმილით გკლავენ
მივმართავ ელიტებს, კაპიტალის სატელიტებს
ელოდებოდნენ ზენიტებს, ახლა კი მიწა ვერ იტევს
რა უნდა ვისაუბრო მათზე
რომ არ გადავუარო თავზე
ღია კარებიდან ვუყურებ ამ დროს ქუჩიდან განაგონს
სანამ აზრები ნავარდობს, ვუსმენ კორპუსის ნაამბობს
ვეძებდი სხვა ნაყოფს, შიმშილი არ ლაპარაკობს
სანამ ეძებენ სხვა ბატონს, ვქარგავ სიტყვების კაბადონს
[Chorus]
ვინ გადაჭრის ამ მატარებლის ლიანდაგს
ვინ შეამზადებს ცვლილებებისთვის ნიადაგს
თუ რას ვაპირებ, ისევ ისე მკითხავ
ქარხნების ხმაზე აკრძალულ ფსალმუნებს წაგიკითხავ
ვინ გადაჭრის ამ მატარებლის ლიანდაგს
ვინ შეაკავებს უცებ მოვარდნილ ნიაღვარს
ისინი ყოველთვის დაგვპირდებიან მწვერვალებს
მაგრამ კეფაზე მათი მუხლი მიგვაწებებს იატაკს

[Verse 2]
გარეთ კი მასებს შიმშილი აბალანსებს
სკოლის კედლიდან ვიღებ ნასროლი ტყვიის მასრებს
რამდენჯერაც დაგდებულს წყალი პეშვიდან მასვეს
ჩემი გულის ცემა შეადარეს ბასებს
გარეთ კი მასებს შიმშილი აბალანსებს
სკოლის კედლიდან ვიღებ ნასროლი ტყვიის მასრებს
რამდენჯერაც დაგდებულს წყალი პეშვიდან მასვეს
ჩემი გულის ცემა შეადარებს ბასებს