Hrafnsmál - The Words of the Raven by Einar Selvik Lyrics

Kunna hugðak þik konung
Þanns á Kvinnum býr
Hersin Norðmanna
Djúpum ræðr kjólum
Roðnum rǫngum
Ok rauðum skjǫldum
Tjǫrguðum ǫ́rum
Ok tjǫldum drifnum

Hlaðnir óru hölða
Ok hvítra skjalda
Vigra vestrœnna
Ok valskra sverða;
Grenjuðu berserkir
Guðr vas á sinnum
Emjuðu Ulfheðnar
Ok ísörn dúðu

Þá eru þeir reifir
Es vitu rómu væni
Ǫrvir upp at hlaupa
Ok árar at sveigja
Hǫmlur at slíta
En hái at brjóta;
Ríkula hykk þá vǫrru
Þeysa at vísa ráði
At berserkja
Reiðu vilk spyrja
Bergir hræsævar
Hversu es fengit
Þeims í folk vaða
Vígdjǫrfum verum?

Grenjuðu berserkir
Guðr vas á sinnum
Emjuðu Ulfheðnar
Ok ísörn dúðu

Hǫmlur at slíta
En hái at brjóta;
Ríkula hykk þá vǫrru
Þeysa at vísa ráði