Serenata palazzola by Eduardo di Capua Lyrics

Stongo guardanno attuorno e nun te veco
'Sta fenestella è 'nchiusa 'mmiez'ê ffronne
I' canto ma nisciuno me risponne
E 'sta canzona mia pe' viento va

'A ggente ca me sente certo dice:
"Chist'è 'nu core cchino d'allegria"
Ma nun è accussì, vuje nun sapite
I' canto pe' scupà 'sta fantasia

I' sò comm'a 'n'auciello 'int'â cajola
Canto p'arraggio 'e 'sta 'nfama figliola

Quanno nun staje tu a 'sta fenesta
Pare comm'a 'nu cielo senza stelle
Sò seccate 'int'ê tteste 'sti ffrunnelle
Pare 'na pucundria mieze ccà

'N'ora ca nun te veco pare 'n'anno
'N'anno si stò pe' tte pare 'nu juorno
Quanno t'affacce tu cu 'st'uocchie belle
'E stelle se ne traseno p' 'o scuorno
I' sò comm'a 'n'auciello 'int'â cajola
Canto p'arraggio 'e 'sta 'nfama figliola