Pasca by Concetta Cupelli Lyrics

Quanno sta pe' venì Pasca
sta cianciosa 'e primmavera
ce te sape cumbinà!

Cu meliune 'e sciure belle
'nzieme 'e rrose e a 'e violette
te fa ll'aria prufumà.

Cerca a 'o sole che mannasse
na matassa 'e file d'oro
pecché 'o munno vo' 'ndurà.

Mmiez''e frasche, 'ncopp''e ccase
mentre volano ll'aucielle
che cuncierto lle fa fà.

Po' 'int''o meglio 'e st'armunia
'e campane 'e tutt''e cchiese
accummenceno a sunà.

Se so' sciovete 'e campane
e mo sonano p''a glora
ca 'o Signore 'ncielo và!
Quanta gioia porta sta festa
che speranze sceta 'ncore
ca te fanno suspirà

na preghiera chiena 'e fede
na preghiera a Gesù Cristo
pecché 'o munno ha dà cagnà:

- Gesù Cri' Te nne vaie 'ncielo
glurioso e triunfante...
...e stu munno 'o vuò salvà?

Tu ch'a morta ll'hê vinciuta
mo... pecché... nun vince 'o male
ca stu core fa strazià?

Hai ragione: so' assassine
delinquente, mariuole...
...ma... Tu sulo 'e può cagnà!

Pienze, ca tutta sta gente
ca mo è tanta malamente,
pecca pe' gnurantità!

Tu 'e criate buone e oneste
Tu... 'e mettiste 'ncopp''a terra
vuò ch'ancora hann''a peccà?
Tu sultanto si 'o patrone
'e stu munno malamente
pirciò Tu... mo ci ha penzà
comm'hê 'a fa' po' rifurm°!