O Mantesino Blu by Concetta Cupelli Lyrics

Chi ll'ha 'mmentato
stu mantesino blu?
pe' nun ce fa parè
'o cazunciello vecchio...
stracciato... e chino 'e pezze?
Senza stu mantesino
forse... chi sà...
stu ninno se sentesse
assaje cchiù pezzentiello
mmiez' 'e campagne suoje
ca teneno vestite
e scarpe a nun fernì;
e sanno squarciunià
pe' tutt' 'e ccose belle
ca teneno 'int' 'e ccase!
Ma dint'all'uocchie suoje
turchine e triste
io l'aggio letto tutto chello
ca penza cu dulore:
na tavula sciancata
ca spisso 'un s'apparecchia...
pecché... na fella 'e pane... asciutta
se po' mangià accussì
senza ausà
né piatte e né pusate...
E po'... tant'ati ccose
assaje cchiù triste e amare!
ca 'un se ponno cuntà.
Annazne all'uocchie suoje
turchine e triste... no
nun se po' mettere
nu mantesino blu!