Zappatore by Canzone napoletana Lyrics

[Testo di "Zappatore"]

Felicissima sera
A tutte 'sti signure 'ncruvattate
E a chesta cummitiva accussí allera
D'uommene scicche e femmene pittate

Chesta è na festa 'e ballo
Tutte cu 'e fracchesciasse 'sti signure
E je ca so' sciso 'a copp''o sciaraballo
Senza cercà 'o permesso, abballo je pure

Chi so'?
Che ve ne 'mporta
Aggio araputa 'a porta
E so' trasuto ccà

Musica, musicante
Fatevi mordo onore
Stasera, 'mmiez'a st'uommene aligante
Abballa un contadino zappatore
No, signore avvocato
Sentite a me, nun ve mettite scuorno
Io, pe ve fá signore, aggio zappato
E sto zappanno ancora notte e ghiuorno

E so' duje anne, duje
Ca nun scrive nu rigo â casa mia
Si 'ossignuría se mette scuorno 'e nuje
Pure je mme metto scuorno 'e 'ossignurìa

Chi so'?
Dillo a 'sta gente
Ca je songo nu parente
Ca nun 'o puó caccià

Musica, musicante
Ca è bella ll'alleria
Je mo ve cerco scusa a tuttuquante
Si abballo e chiagno dint'a casa mia

Mamma toja se ne more
'O ssaje ca mamma toja more e te chiamma?
Meglio si te 'mparave zappatore
Ca 'o zappatore nun s''a scorda 'a mamma

Te chiamma ancora: "Gioja"
E arravugliata dint''o scialle niro
Dice: "Mo torna, core 'e mamma soja
Se vene a piglià ll'urdemo suspiro
Chi so'?
Vuje mme guardate?
So' 'o pate, je songo 'o pate
E nun mme pò caccià

So' nu fatecatóre
E magno pane e pane
Si zappo 'a terra, chesto te fa onore
Addenócchiate e vasame 'sti mmane