Dr Mürer by Blck Fss Lyrics

'Ne Mürer an de Arbeit jing
Hurra - met freschem Mot
D'r Spies em Emmer anjerührt
Hä - dat flupp jo jot
Dann nimmp hä schon d'r eetste Stein
Do fällt im äwer en
Dat hä noch nit jefröhstöck hät
Un lät en widder hin
Dat hä noch nit jefröhstöck hät
Un lät en widder hin

De Botteramm, die schmeck im jot
Su jot met fettem Speck
Un weil se im su jot jeschmeck
Nimmp hä sich noch en Schnett
Domet dä Speck jet besser rötsch
Spölt hä met Kaffee noh
Dann lorte ens noh dem Polier
Doch dä es noch nit do
Dann lorte ens noh dem Polier
Doch dä es noch nit do
Jetz ävver ran! Jetz ävver ran!

Do fällt im en, de Zeidung
Es jo noch en singer Täsch
Och, do es jo noch e Bier
Hurra - un drink en Fläsch
Hä lort de Zeidung Sick für Sick
Dat es jo wirklich jeck
Wat do su für 'ne Käu drensteit
Polier kütt öm de Eck
Wat do su für 'ne Käu drensteit
Polier kütt öm de Eck

Polier jeit wigger, Mürer denk
Verdammp, jetz ävver schnell
Direktemang an sing Leider
Jeite jetz met singer Kell
Hä steit schon op d'r eetste Spross
Do fällt im plötzlich en
Dä Spies em Emmer weed bestemmt
Schon hat jewode sin
Dä Spies em Emmer weed bestemmt
Schon hat jewode sin

Klitsch Klätsch Klatsch
Klitsch Klätsch Klatsch
Dä Spies, dä läuf de Wäng eraf
Un dann met de Truffel noch jet nohjeschmiert
Denn ene echte Mürer weiß, wat sich jehürt
Jetz ävver ran! Jetz ävver ran! Ja
Jetz ävver ran! Jetz ävver ran! Ja

Om Abtrett endlich unjestürt
Och - wie jot dat deit
Dozo d'r Sportdeil op de Knee
Un dodren steit janz breit:
Deutsche Spieler viel zu lahm
Aha - dat kütt dovun
Wemmer ze vill Jeld verdeent
Kein Loss hat jet ze dun
Wemmer ze vill Jeld verdeent
Kein Loss hat jet ze dun

Jetz ävver ran! Jetz ävver ran!

Zor Vürsich lorte op de Uhr
Un denk, dat es jo schön
En einer Stund es Meddachspaus
Dat es mir anjenehm
Die paar Minutte krijjen ich
Jetz och noch flöck eröm
Doch dofür neue Spies anrühre
Hat doch keine Senn
Doch dofür neue Spies anrühre
Hat doch keine Senn
Klitsch Klätsch Klatsch
Klitsch Klätsch Klatsch
Dä Spies, dä läuf de Wäng eraf
Un dann met de Truffel noch jet nohjeschmiert
Denn ene echte Mürer weiß, wat sich jehürt

Jetz ävver ran! Jetz ävver ran! Ja
Jetz ävver ran! Jetz ävver ran! Ja

Öm halver zwei do es hä möd
Vum Esse janz jeschaff
Et nächste Bier un irjendwie
Föhlt hä sich afjeschlaff
Hä weiß nit, wate mache soll
Hurra - do fällt im en
Hä hät bestemmp en singer Täsch
Noch Schokolädche dren
Hä hät bestemmp en singer Täsch
Noch Schokolädche dren

Die iss hä dann janz pö a pö
Wie nett, met decke Nöss
Die hätte für si Lewe jän
Dä Kääl dä steit op Söss
Jetz es et koot vür halver drei
Hurra - bal Zick ze jon
Hä denk vielleich noch ein Fläsch Bier
Dann es jenoch jedon
Hä denk vielleich noch ein Fläsch Bier
Dann es jenoch jedon

Jetz ävver ran! Jetz ävver ran!

Sing Täsch jepack, 'ne Sack Zement
Em Kofferraum verstaut
Ha sät zo im: Kumm met, du friers
Bevür dich einer klaut
Hä steich en singe Wagen en
Trick fründlich singen Hot
Un röf: Ich ben dann fott bes Dienstag
Junge, mat et jot
Un röf: Ich ben dann fott bes Dienstag
Junge, mat et jot

Klitsch Klätsch Klatsch
Klitsch Klätsch Klatsch
Dä Spies, dä läuf de Wäng eraf
Un dann met de Truffel noch jet nohjeschmiert
Denn ene echte Mürer weiß, wat sich jehürt

Klitsch Klätsch Klatsch
Klitsch Klätsch Klatsch
Dä Spies, dä läuf de Wäng eraf
Un dann met de Truffel noch jet nohjeschmiert
Denn ene echte Mürer weiß, wat sich jehürt