Nçaişi Birapa by Birol Topalolu Lyrics

He yana yana
Çkiniren çkin mancenan bedi do şana

Handğa ǩai ťaroni ren hayde dalepe
Şa goindineni yaziş ha msǩva ndğalepe
Nçaiş oǯilus meboktut çkin ǩulanepe
Nçaiten yopşa ǩalati tirit biḉepe

He yana yana yana
Heyaymoli heyana
Çkiniren çkin manḉenan bedi do şana

Ehe raǩanis eşulun mjora ağani
Mḉita te muşite tanums ǩarta raǩani
Çiçkili nçaepe pǯilopt çkin mani mani
Do yevopşat muşi oras ar ǯanas ṕlani

He yana yana yana

Ranǯǩalas birapa çkini raǩanis ṕanda
Handğa çkini xvalais va mťelik ixelas
Ezda ixik ha birapa mendraşa kiğas
Ağne Lazuri birapa ǩianak ognas