أوضة ضلمة by Ben3ly Lyrics

أوضة ضلمة
وسقف عالي
وركن قاعد فيه لوحدو
وبنت حلوة
********************
أوضة ضلمة
وسقف عالي
وركن قاعد فيه لوحدو
وكام سيجارة في علبة متبقية منو
وكاس بينوا الليلة هيقضيها خمرة
وجوب مطفي .. ووردة حمرا
ياما فكر يديهالها
وحاجة حاسس بيها لكن
عمره ليها في يوم ما قالها
حب يمكن
عشق جايز
عنده لازمة عادي مش عارف ولأ
وقشطة بيس وتمام
وعايز
عنده كتمة كل حاجة
وعنده كام إحساس خانوه
عنده كام موقف دفنهم جوة قلبه
ولا كان العكس يومها وهما كانوا بيدفنوه
عنده معلش ببرود
هو مش موجود أساساً
بس جايز يوم يعود
هو ليه في العشق حالة
و١٠٠٠ حالة في حالته حبت
بس خبت فا استحالت
هو لسه لسانه فالت
عنده م القول ١٠٠ قوالة
هو سافل
وهما بيحبوا السفالة
هو شاعر
فـ استحالة
يقتلوه من غير بارود
هما عسكر
هما إيه في العشق غير حبة قرود
********************
هما عارفين الخنادق
والبنادق
واحنا غيرهم
هما عايشين بالفلوس
واحنا عايشين بالمشاعر
هما بيهدوا المنازل
هما مش بيحبوا غير يبنوا في عوازل
هما بيحبوا التروس
هما مش بيحبوا أصلاً
هما عسكر حتى لو غمولنا عينهم برضوا عسكر
هما عسكر
حتى من غير "ع" يا سكر
برضو
حادق
هما تجار بالمبادئ
هما إيه في العشق غير حبة قرود
واحنا غيرهم
أيوة غيرهم
إحنا عشاقك يا بلدي
فاكرة حضنك من يناير
إحنا ذكرى لفكرة عايشة في كل ثاير
بس هما
كدبوا كدبة وصدقوها
غرقانين من يومها لسه في فيلم نظرية مؤامرة
********************
أوضة ضلمة
وسقف عالي
وركن قاعد فيه لوحدو
وكام سيجارة في علبة متبقية منو
وكاس بينوا الليلة هيقضيها خمرة
وچوب مطفي ووردة حمرا وصوت منير بيقول يا سمرة
وصوته بيدندن معاها
شافها مرة وحس حاجة
كان صغير
لسه مش فاهم وعيل
عدى يوم ورا يوم بيحلم بيها زي ملاك بتضحك
عدى م الأيام قليل
فجأة شافها عرفها كانت
هي أقرب حد منو
وهي أبعد حد برضو
خلت العكسر يطاردو
النضال في العشق عمره في يوم ما داقو
رغم إنو
ياما ناضل في اشتياقه
عدى م الأيام عينيه مشافتش غيرها
عدى م الأيام بيدعي تكون ملاكو
عدى م الأيام بيكتب للهوا
بس الهوا زي العشم واكتر عشان ناكو
عدى م الأيام بيدعي تكون ملاكو
عدى م الأيام سكرها
عدى م الأيام بيعشق
ينسى نفسه ويفتكرها
عدى م الأيام بتنحت واد في سنه
صار عجوز جداً وقلبه
الشاب محتاج 1000 عمرا